الآيات من الكتاب المقدس: سفر التكوين ٦: -  ٥ – ٢٢،  ٧: ١٣ - ٨: ٣، ٨: ١٥ - ٢٠، ٩: ١٣ - ١٥. 

ملخص الفيديو

نوح كان راجل معروف أنّه بيحب ربنا وبيطيعه دايمًا. وكان بيعمل كل اللي ربنا يطلبه منه، ومكانش بيخلي الشر يغريه أو يأثر عليه. وبسبب طاعة نوح وإيمانه، ربنا قرّر ينقذه من الخطر. ربنا قال لنوح يجهّز نفسه لطوفان كبير وطلب منه أنه يبني سفينة ضخمة (الفلك).
عندما انتهي نوح من بناء الفُلك، طلب الله منه أن يدخل فيه هو وعيلته وكمان الحيوانات. وطلب منه يفضل جوّه الفُلك علشان الميّه (الطوفان) ها تغرق الأرض كلها، وطلب من نوح أنه ينتظر جوه الفلك لغاية ما الأرض تنشف تاني وتجف. ونوح عمل بالظبط زي ما ربنا قالّه.
المطر نزل لمدة 40 يوم و40 ليلة، عيلة نوح كانت أمنة جوه الفلك طول الوقت اللي فيه المطر لغاية ما الأرض نشفت تاني.
بعد ما خرج نوح وأسرته من الفُلك، سجدوا لربنا وشكروه من أجل حمايته. ربنا وَعَد نوح وأسرته إنه مش ها يغرق الأرض ويدمرها بالطوفان مرة تانية. ربنا عمل قوس قزح كعلامة لوعده ده. ربنا أنقذ نوح وأسرته وحماهم لأنهم كانوا مؤمنين ومخلصين لربنا.

حول الفيديو

عنان، ولد صغير، خايف من قوس قزح  اللي في السما، لأنه سمع إنه  علامة على حاجات صعبة ومش حلوة. لكن عمو شيم حكى له قصة نوح وشرح له إن قوس قزح ده في الحقيقة علامة على قوة ربنا ووعده  المحب لكل الناس. 
أفضل طريقة نفهم بيها قصة نوح هي أننا نفهمها في سياق سفر التكوين الاصحاحات ١–٩. تحكي هذه الاصحاحات أن إن ربنا خلق العالم وكل حاجة فيه. ربنا خلق الانسان علشان يكون له علاقة خاصة معاه (التكوين ١، ٢). اتعرض الانسان للغواية وأخطأ، وده عمل حاجز بينه وبين ربنا (التكوين ٣). ورغم أن تغير طبيعة العلاقة بين ربنا والانسان، إلا أن ربنا استمر في حماية الإنسان. 
مع مرور الوقت، الشر والخطية زادوا جدًا في العالم، علشان كده فرر ربنا أنه يمحو ما على الأرض، لبداية جديدة. بيحكي تكوين ٥–٩، أن ربنا لقى راجل واحد اسمه نوح هو وأسرته كانوا صالحين. وبعطف ومحبة كبيرة، ربنا قال لنوح يبني الفلك ويدخل فيه مع أسرته علشان يحميه من الطوفان.
لما نوح وأسرته خرجوا من الفلك، ربنا حط قوس قزح في السما وعمل عهد، (أو وعد)، مع نوح وأسرته. ربنا قال لهم: "اثمروا واكثروا واملاوا الارض" (التكوين 9: 1)، وكمان وعدهم أنه لن يدمر الحياة على الأرض بمياه الطوفان مرة تانية أبداً (التكوين ٩:٨). علشان كدة كل مرة بنشوف فيها قوس قزح، نقدر نفتكر إن ربنا حمى نوح وأسرته، ووعد إنه هيحمينا إحنا كمان."
 

أسئلة للتفكير والتأمل

لماذا اختار الله أن يغمر الأرض كلها بمياه الطوفان؟ 
كيف أظهر نوح أيمانه وأخلاصه لله؟ 
لماذا وضع ربنا قوس قزح في السماء؟ 
كيف يمكنك أن تظهر إيمانك وأخلاصك لله؟