کتابی حوالہ: پیدائش 22:1–19

ویڈیو کا خلاصہ:

کئی سالوں تک ابرہام اور سارہ ایک بچے کی اُمید رکھتے رہے، مگر سارہ حاملہ نہ ہو سکی۔ جب ابرہام ننانوے برس کا تھا، تو خُدا نے اُس سے وعدہ کیا کہ وہ بہت سی قوموں کا باپ بنے گا (پیدائش 17:4)۔ خُدا نے یہ بھی وعدہ کیا کہ سارہ کو بیٹا ہوگا اور وہ بہت سی قوموں کی ماں بنے گی (پیدائش 17:16)۔ ایک سال بعد، سارہ نے اُن کے اکلوتے بیٹے، اضحاق کو جنم دیا۔

ابرہام ایک راستباز شخص تھا، اگرچہ اُس سے بھی غلطیاں ہوئیں۔ جب اضحاق بچہ تھا، تو خُدا نے ابرہام کے ایمان کو آزمانے کا فیصلہ کیا۔ ایک دن، خُدا نے ابرہام سے کہا کہ وہ اپنے بیٹے کو ایک خاص

جگہ لے جائے، اُسے باندھے اور قربانی کے طور پر پیش کرے۔ ابرہام جانتا تھا کہ اُسے خُدا کا حکم ماننا ہے، اس لیے اُس نے خُدا پر بھروسا کیا اور حکم کی پیروی کی۔ جیسے ہی ابرہام نے اضحاق کی
قربانی دینے کا ارادہ کیا، خُداوند کا ایک فرشتہ ظاہر ہوا، اور ایک مینڈھا قربانی کے لیے مہیا کیا گیا۔ خُدا نے ابرہام کا ایمان دیکھا، اور ابرہام نے اُس جگہ کا نام رکھا: "خُدا مہیا کرے گا۔"

ویڈیو کے بارے میں:

ایلام، متجسس بادشاہ زاکر کو بتاتا ہے کہ خُدا نے اُس کے آقا ابرہام کے ایمان کو کس طرح آزمایا۔

پھر ایلام یہ بھی بتاتا ہے کہ خُدا نے ابرہام کے لیے خود مہیا کیا، اور اُس کی فرمانبرداری اور خُدا کی پیروی کے جذبے کو بھرپُور انعام سے نوازا۔
ابرہام کا خُدا کے ساتھ ایک خاص تعلق تھا۔ خُدا نے ابرہام سے وعدہ کیا کہ وہ اُسے ایک بڑی قوم بنائے گا، جس کی اولاد آسمان کے تاروں کی مانند بے شمار ہو گی (پیدائش 15:4)۔

ابرہام نے خُدا پر یقین کرنے کا انتخاب کیا، حالانکہ اُس وقت تک اُس کی اور اُس کی بیوی سارہ کے ہاں کوئی اولاد نہ تھی۔ (پیدائش 17)

خدا کی ہدایات پر ایمان کے ساتھ عمل کرنے کا ابرہام کا فیصلہ دراصل اپنی مرضی کو خدا کے آگے قربان کرنا تھا۔ اگرچہ یہ نہایت مشکل تھا، پھر بھی ابرہام خدا کی مرضی پوری کرنا چاہتا تھا اور قربانی کے لیے تیار ہوا۔ خدا نے ابرہام کا ایمان دیکھا، ایک مینڈھا مہیا کیا، اور اپنے عہد کی یاد دلانے کے لیے ایک فرشتہ بھیجا۔

سوچنے کے لیے سوالات:

خُدا نے ابرہام سے اضحاق کے ساتھ کیا کرنے کو کہا؟

جب خُداوند کا فرشتہ ظاہر ہوا تو کیا ہوا؟

خُدا ابرہام سے کون سا وعدہ کرتا ہے؟

جب آپ وفادار ہوتے ہیں تو خُدا آپ کی مدد کیوں کرتا ہے؟