الكتاب المقدس. صموئيل الأول 17: 1 - 51 

ملخص الفيديو

داود، كان أصغر أولاد يسي، وكان مجرد ولد بيرعى الغنم. لكن رغم كده، وقف قدّام أقوى جندي في جيش الفلسطينيين، العملاق جليات.
من غير ما يخاف، داود اعتمد على ربنا علشان يساعده ويغلب العدو اللي كان بيحارب شعب الرب.
لمدة 40 يوم، جيش إسرائيل كان خايف ومش قادر يواجه العملاق جليات. وفي الآخر، ولد صغير بيرعى الغنم اسمه داود ظهر وتقدم وقبل التحدي.
 داود صلى لربنا علشان يساعده، وبمقلاع وحبّات زلط بس، قدر يوقع العملاق جليات ويموّته، وده خلى جيش إسرائيل يكسب المعركة.
الموضوع ده كان بداية إن داود يبقى قائد عظيم لشعبه، وغيّر إيمان عيلته كلها وأجيال كثيرة بعد ذلك، لأنه اعتمد على قوة قلبه وإيمانه بربنا

عن الفيديو

كان فيه شخص اسمه يَسِّي كان مستغرب قوي! وبيسأل أولاده: "إيه ده؟ إنتو رجعتوا من الحرب بدري كده ليه؟" رد ابنه الكبير اللي اسمه إلِيَاب وحكى له الحكاية، ووصف الرجل العملاق الضخم وكان اسمه جُولِيَات، وهو من جيش الأعداء. لكن داود اللي هو أخوهم الصغير وقف بكل شجاعة، وبسبب إيمانه في قدرة ربنا وقوته قدر يوقع العملاق جُولِيَات!وينتصر!"
من خلال الجزء ده من القصة، اتعرف داود على الملك شاول، وده خلاه يشتغل ويخدم مع الملك."
اختار ربنا داود علشان يبقى ملك جديد على إسرائيل بدل من شاول، وفعلاً مسح صموئيل النبي داود علشان يكون ملك سراً. القصة دي بتأكد إن علشان داود كان بيثق في ربنا، أصبح عنده القدرة إنه يحارب ويقود إسرائيل.
وبالفعل، تتحقق النبوءات القديمة اللي من مئات السنين، إذ جاء واحد من نسل داود ليكون المسيح المنتظر عند بني إسرائيل، المعروف بيسوع. 

أسئلة للتأمل

يا ترى إيه يكون شعورك لو شوفت وسمعت العملاق جليات وهو بيتحدى جنود شعب إسرائيل للقتال لمدة 40 يوم؟
تفتكر ليه داود ما كنش خايف من جليات. 
هل اعتمد داود على مهارته كراعٍ غنم؟ ولا كان بيعتمد على إيمانه بربنا علشان يقدر يغلب جليات؟
هل أنت مؤمن إن ربنا يقدر يساعدك تواجه وتغلب المشاكل الكبيرة في حياتك؟