الكتاب المقدس: سفر ملوك الثاني 4: 1 - 7 

لخص الفيديو

تحكي القصة عن إيمان سيدة أرملة كانت بتمر بموقت صعب جداً. حوزها كان نبي صالح، لكن بعد ما مات، كان لازم على زوجته أنها تسدد الديون اللي على العيلة. 
لو الديون دي ما اتسدّتش، كان ولادها كانوا هيتاخدوا يشتغلوا عند ناس غريبة وهيتفرقوا عنها.  علشان كده، الأرملة راحت للنبي إليشع، اللي كان معروف إنه نبي من أنبياء ربنا.
طلب إليشع من السيدة الأرملة أنها تعمل حاجة غريبة شوية، قالها تروح تجمع أكبر عدد ممكن من البرطمانات والأوعية الفاضية. ورغم أن السيدة الأرملة ماكنش عندها غير نقطة زيت زيتون صغيرة في البيت، لكن إليشع قال لها تملى كل البرطمانات اللي جمّعتها من الزيت اللي عندها.
وهنا حدثت المعجزة! ربنا بارك نقطة زيت الزيتون الصغيرة اللي عند السيدة الأرملة، وخلّاها تكفي لحد ما كل البرطمانات اتمتلِت. الأرملة باعت الزيت، وقدرت تسدد الديون اللي عليها. وبكده ولادها فضلوا معاها في البيت بأمان.
القصة دي بتتحكي من وجهة نظر التاجر صاحب محل، شاف بعينيه قدّ إيه إيمان الأرملة وثقتها في ربنا

عن الفيديو

يتكلم تاجر مع أحد الزبائن المتشكك في كيف ساعد الرب سيدة فقيرة لتسدد دينها الكبير جداً، باستخدام زيت الزيتون. ربنا استخدم النبي إليشع علشان يوفر لها احتياجاتها ويُظهِر مجده.
تعتبر القصة دي هي أول قصة من أربع معجزات عملها إليشع في أصحاح 4 من "سفر الملوك التاني". كل معجزة بتحكي إزاي ربنا بيهتم وبيوفر للناس الأمينة اللي بتلجأ له. ولما كان أي شخص بيطلب مساعدة إليشع، ربنا كان بيعمل معجزة. 
كان إليشع تلميذ النبي العظيم إيليا،اللي هو كمان عمل معجزات بمعونة ربنا، وإليشع تعلم من إيليا الكثير. فيما بعد، عمل يسوع معجزات كثيرة شبه اللي عملها إيليا وإليشع، لكن معجزات يسوع كانت أعظم وأقوى بكتير.

أسئلة للتأمل 

لماذا توسلت الأرملة للنبي إليشع وطلبت منه المساعدة؟ 
ما الأمور التي كشفها إليشع للسيدة الأرملة عن الرب؟ 
ما الأمور التي عملتها السيدة الأرملة لتبين إيمانها وثقتها بربنا؟ 
ما الأمور والاختيارات التي يمكن أن تعملها لتبين إيمانك وتقتك بربنا؟