کتابی حوالہ: مرقس 1: 39-45 

ویڈیو کا خلاصہ:

یسوع بیماروں کو شفا دینے اور لنگڑوں کو چلنے کے قابل بنانے کی وجہ سے مشہور تھا چنانچہ جب کوڑھ کا ایک مریض مدد کے لیے اس کے پاس آیا تو یسوع نے اس کے ایمان کے مطابق جواب دیا کہ وہ اس کے بیمار جسم کو شفا دے سکتا ہے۔

یسوع نے مجمع کے سامنے اس شخص کو مکمل طور پر شفا دے دی۔ شفا کے اس معجزے کو دیکھ کر بہت سے لوگ حیران رہ گئے۔ اس کے بعد یسوع مسیح نے اس شخص سے کہا کہ وہ جا کر اپنے پاک ہو چکے جسم کو کاہنوں اور ہیکل کے رہنماؤں کو دکھائے، تاکہ وہ جان لیں کہ یسوع مسیح کے پاس خدا کی قدرت ہے۔

وہ شخص وہاں سے جاتے ہوئے اپنی خوشی پر قابو نہ رکھ سکا اور دوڑ کر اپنے گھر والوں اور دوستوں کو دکھانے لگا کہ وہ شفا پا چکا ہے۔ اب اسے اپنے خاندان اور دوستوں سے جدا ہو کر زندگی گزارنے کی ضرورت نہیں رہی تھی۔

ویڈیو کے بارے میں:

ایک شخص کوڑھیوں سے بھرے ایک کیمپ میں جاتا ہے، جہاں ایک باقاعدگی سے آنے والی خاتون اس سے پوچھتی ہے کہ وہ کیوں آیا ہے۔ وہ اسے یسوع مسیح کی شفا دینے والی کہانی سناتا ہے جس نے اس کی زندگی کی سمت اور مقصد کو ہمیشہ کے لیے بدل دیا۔

یہ کہانی مرقس 1: 39-45 کے بیان کی پیروی کرتی ہے۔  اس کتاب کی متوازی کہانیاں متی 8: 1-4 اور لوقا 5: 12-16 میں ملتی ہیں۔

یسوع مسیح نے کوڑھ کے مریض کو چھو کر طہارت کے روایتی قواعد کو توڑ دیا۔ یہ اس شخص اور اس کی حالت کے لیے یسوع مسیح کی عظیم شفقت اور کوڑھ پر اس کی قدرت کی علامت ہے۔

سوچنے کے لیے سوالات:

آپ کے خیال میں جب اس آدمی کے گھر والوں اور دوستوں نے دیکھا کہ وہ پاک صاف ہو چکا ہے اور دوبارہ اپنے گھر لوٹ سکتا ہے تو انہوں نے کیسا محسوس کیا ہوگا؟

کیا آپ کے خیال میں اس کی شفا کے بعد اس کے گھر والے اور دوست یسوع پر ایمان لے آئے ہوں گے؟

آپ کے خیال میں شفا پانے کے بعد وہ شخص کوڑھیوں کے کیمپ میں اپنے دوستوں کے ساتھ کس طرح پیش آیا ہوگا؟

اگر آپ کے بیمار دوست ہوتے اور یسوع قریب ہوتے، تو کیا آپ انہیں یسوع کے پاس لے جاتے اور شفا کے لیے درخواست کرتے؟